حماية حسابك على الفايسبوك من القرصنة والتجسس

تكنولوجيا

حماية حسابك على الفايسبوك من القرصنة والتجسس

حسب معرفتي المتواضعة، الناس لتعرضوا عملية تجسس عن طريق تطبيق testony

فهاد الهاكر لكيسيبوا بحال هاد التطبيقات و مني نتا كتدخل شي تطبيق و كتربطه بالفيسبوك و كتعطي للتطبيق عدة صلاحيات، أغلبيتنا كاع ما كيقراوها، مثل صلاحية النشر في حائطك و الولوج لقائمة الأصدقاء و لمنشوراتك… هادشي كيتم عن طريق كود سميته Access Tokens .. هاد الكود بحال Password بيه يقدر يتجسس على حسابك الشخصي و يدخليه و يقرا الرسائل و يسيفطهم و يعرف رقم الهاتف و الإميل .. مكيدخلش يتجسس على الفايسبوك بحالنا و لكن عن طريق فايسبوك developers  و كيدخل داك Access Tokens الخاص بك وخا مكيعرفش Password ..

الطريقة باش توقفوا هادشي كامل هو أنك :

1- تبدل Password
2- فاش تبدلوا دير Déconnecté لكاع الأجهزة لكان فيه حسابك الشخصي مكونكطي
3- سير Paramètres ثم Apps غتلقا جميع التطبيقات لعطيتيها صلاحيات الولوج لحسابك الشخصي .. بحال Twitter و Badoo و Candy Crush Saga و ASKfm وغيرها و غادي تمسح supprimer كاع التطبيقات اللي ماشي رسمية أو لعندك فيها الشك
4- ردوا بالكم أي تطبيق « سواقي » أو فيه داكشي ديال التبرهيش بحال testony متعطيوهش صلاحيات الولوج .. كنظن بنادم بعقله و حتى ايلا مسالي « قبك » مديرش راسك « عبيط » باش تعرف آش غيقوليك تطبيق مبرمج و نتا كظل نهار ومطال كتقولينا « مجتمع مكلخ مزال كيآمن بالشوافات و الشعوذة.. »

منشور بالنسبة اللي باغي يزيد الحماية لحسابه الفايسبوكي :

 بغيت نكتب هادشي للناس لخايفين من شي واحد يخترق حسابهم الفايسبوكي عن طريق Password ..

كاينة طريقة في الفايسبوك خصك تفعلها و متبقاش تخاف من شي واحد عارف الرقم السري mot de passe ديالك .. آييه وخا يكون عارفه ميقدرش يدخل حسابك بلا واحد الكود من أحد الأكواد العشرة لكيعطيك الفايسبوك و اللي يمكن تجددها كل مرة، حيث أي كود صالح للاستعمال مرة واحدة فقط .. زيادة على هادشي كاينة طريقة اخرى ”أي واحد فتح حسابك كيجيك مساج في الهاتف و في التطبيق application ديال الفايسبوك .. المهم تبعوا الخطوات :

كتمشي Paramètres du compte

و كدخل بلاصة Sécurité

هنا كتلقا التحت مكتوب Renforcement de sécurité

هادوا بجوج دير ليهم Oui

1) Recevoir des alertes en cas des connexions non reconnues (Oui)

الأولى خاصة بالتوصل بإشعار عن أي لحظة تحل فيها الفايسبوك بالمودباس ديالك، دخل رقم الهاتف و اختار الإشعار في التطبيق فايسبوك حيث ديما مفتوح عندك و كتوصلك باللي شي واحد حل الفايس ديالك

2) Utiliser l’authentification à deux facteurs (Oui)

الثانية بعدما تفعلها activer  سير بلاصة فين مكتوب Codes de récupération

هنا غتلقا 10 أكواد كتستعملها مرة وحدة .. و اللي استعملتيه كيتمحا .. معليك نتا غي تكتب هاد الأكواد في شي بلوك نوت bloc note، المهم بطريقتك احتفظ بيهم .. و مني كتستعملهم كاملين يمكن ليك طلب أكواد جديدة.

بالتالي عند أي عملية ولوج لحسابك من شي بلاصة من غير هاتفك الشخصي في حال الفايس غادي يخصك واحد من دوك الأكواد، أو مني توصل بإشعار على الفايسبوك الشخصي خاصط تعطيه autorisation يدخل بلا داك الكود ايلا كنت نتا

Kaidi Hasan

أحمد الزعيم

يجب أن نؤمن بأن الإختلاف في الرأي لا يفسد في الود قضية، وأن مناقشة الأفكار أجدى وأكثر فائدة من إعتقال الآراء، وأنه إذا أشار أصبع إلى القمر، فالأغبياء وحدهم هم الذين ينظرون إلى الأصبع.